नभी दाटलेल्या मुक्या भावना त्या

तुझी हाक येता न आवरे तयांना

किती काळ तिने उन्हात भिजावे

बरसत्या सरींनी भिजू दे धरेला

                     - खुशग्नी सावंत

आजीच्या सुरकुत्या

आजीच्या सुरकुत्या

वेड्याप्रमाणे मी

त्या सुरकुत्या मोजत

होते.

आयुष्यातील कितीतरी

गोष्टी

मोजता येतात.

प्रत्येक सुरकुती आपला

प्रवास सांगते;

बालपणातील निरागस

चेहरा,

तरूण वयातील ते

बेफिकीर जगणं,

प्रौढ वयातील संसार

सगळा

त्या सुरकुत्यांनी झाकला

होता.

आता फक्त उरलं ते

म्हातारपण

जे ह्या सुरकुत्यांनी

दिसतं.

आयुष्य जगण्याचं

समाधान

ह्या सुरकुत्यांनी दिसतं.

                    - खुशग्नी हरि सावंत